मलाई तिमी आफूजस्तै फुल्न सिकाऊ !!
बुद्धदेव तिमी अलिक परै बस
आदिशङ्कर छेउमै नआऊ
महायोगीहरू दूरदूर जाऊ
ज्ञानले केही बेर विश्राम लेऊ
म चाहन्छु केवल आफैंसँग रमाऊँ
म स्वात्माराम विस्मय विमुग्ध होऊँ
ए मृगतृष्णा जस्ता वासनाहरू! उछार देऊ
म ज्ञानमयी दृष्टिले ब्रह्ममय जगत् देखिरहेको छु
म चतुर्ब्रह्म विहारमा मग्न भइरहेको छु
म गुलाफसँग अन्तरङ्ग हुन चाहन्छु
चम्पा र चमेलीको मीठो सुवासले
वासनाको वास पखाल्न चाहन्छु
म फूलहरूको भाषा सिक्दैछु -
ओ चम्पा! म तिमीलाई औधी मन पराउँछु
फुल्नु फक्रनु तिम्रो अस्तित्वको सार हो
मलाई तिमी आफूजस्तै फुल्न सिकाऊ !!